22 жастағы Н.Ж. есімді мигрант 9 наурызға қараған түні коменданттық сағат кезінде далаға шыққан кезде атыстың астында қалып, аяғына оқ тиген.
"Қазір мен ауруханада жатырмын. Аяғыма ота жасалды. Дәрігерлер әзірге тұруға рұқсат бермей жатыр", - деді Н.Ж.
Киевтегі тәжік елшісі Давлатали Назризода ауруханаға барып, жараланған азаматқа кіріп шыққанын, оған көмек көрсетілетінін жеткізді.
Ресейдің Украинаға қарсы әскери шабуылына байланысты Киевте 24 ақпаннан бастап кешкі 20:00-ден таңғы 7:00-ке дейін коменданттық сағат енгізілген.
"Мен Украинада тұрып жатқан барлық тәжікстандықтарды коменданттық сағат кезінде үйде отыруын сұраймын. Ешкім қауіпсіздікке кепілдік бермейді. Әскери ережені қатаң сақтауды сұраймын",- деп мәлімдеді Украинадағы тәжік елшісі.
Ресми мәлімет бойынша, Ресей басып кіргенге дейін Украина аймағында 4 мыңға жуық тәжік азаматы болған. Олардың 101-і студент. Соңғы екі аптада 1400 тәжік азаматы Польша мен Молдоваға кеткен.