«Гуруҳ 24» аъзоларидан бири Муҳаммадсобир Абдуқаҳҳорнинг Озоди радиосига айтишича, энди ташкилот бошқа постсовет давлатлари ва Европада ҳам ўз фаолиятини бошлайди.
2012 йилда Россияда ташкил этилган «Гуруҳ 24» 2014 йилда Тожикистон Олий суди томонидан экстремистик ташкилот деб тан олинган эди. Гуруҳ издошлари бу қарорни сиёсий деб ҳисоблашади.
Тожикистон, Россия ва бошқа постсовет давлатларида ўнлаб одамлар «Гуруҳ 24»га аъзоликда ва уни қўллаб-қувватлаганликда айбланиб ҳибсга олиниб, қамоққа ташланган.Ташкилотга тадбиркор Умарали Қувватов асос солган. Унинг ўзи 2015 йилда Истанбулда ўлдирилган.