Бу ҳақда Медуза Агора ташкилоти адвокати Даниил Берманга асосланиб ёзади.
Аввалроқ Овсянникова Москванинг Останкинский тумани полиция бўлимига олиб кетилгани хабар қилинганди. Бироқ полиция ҳуқуқ ҳимоячиларига унинг бўлимда йўқлигини айтди.
15 мартга ўтар кечаси қўлга олинган шахс Останкино телемарказининг навбатчилик хонасидан топилгани маълум бўлди. “Правозащиты» адвокати Анри Цискаришвили у ерга етиб боргач, Овсянниковани топа олмаган. Кейин ОВД-Инфо сайтининг манбаси ҳибсга олинган шахс Останкино полиция бўлимида йўқлигини айтди.
Адвокат Даниил Берманнинг Медуза нашрига айтишича, 15 март куни эрталаб адвокатлар Овсянниковани на Останкино навбатчилик пунктида, на шаҳардаги бошқа полиция бўлимларида топа олишмаган.
“Холод” нашри адвокат Павел Чиковга таяниб, Марина Овсянникова ҳали ҳам топилмагани, у 12 соатдан ортиқ қамоқда сақланотганини ёзмоқда.
14 март куни кечқурун Биринчи канал ходими Марина Овсянникова “Время” кўрсатуви эфирида урушга қарши акция ўтказди. У телебошловчи Екатерина Андрееванинг орқасида туриб, урушга қарши баннерни очган.