БМТ суди 7 март куни Украинанинг Россияга қарши даъвосини кўриб чиқишни бошлади. Киев Москвани геноцид ҳақидаги халқаро конвенцияни нотўғри талқин қилишда айблади. Даъвогарнинг позициясига кўра, конвенцияни суиистеъмол қилиш Россия расмийлари томонидан Украина ҳудудига бостириб кириш учун ишлатилган.
Россия президенти Владимир Путин 2014 йилдан то Украина билан уруш бошланишигача Украина Донбасидаги воқеаларни тасвирлаш учун «геноцид» атамасини бир неча бор ишлатган. Киев суддан даъво бўйича вақтинчалик чоралар кўришни ва Россиядан ҳарбий босқинни тўхтатишни талаб қилишни сўради.
Суд Украина ўз ҳудудида геноцид содир этаётганига далил топмади.
Украина президенти Владимир Зеленский БМТ судининг қарорини изоҳлар экан, Киев Россияга қарши ишда тўлиқ ғалаба қозонганини айтди.
Россия Владимир Путиннинг буйруғи билан 24 февраль куни ўз қўшинларини Украинага киритди. Бу вақт ичида, БМТ маълумотларига кўра, уч миллион украиналик ўз уйларини тарк этган.