Ссылки доступа

Тәжікстан бизнесті тексерудің барлық түріне мораторий енгізді  


Тәжікстанда бизнесті тексерудің барлық түріне жыл соңына дейін мораторий енгізілді. Тиісті жарлыққа ел президенті  Эмомали Рахмон 16 наурызда қол қойды. 

Мораторий келесі айда күшіне еніп, 2023 жылдың 1 қаңтарында алынады.

Тәжікстандық кәсіпкерлер мемлекеттік органдардың тексерулері тым көп екенін, салықтың жоғары екенін айтып, шағымданып келген. Билік мәліметінше, соңғы бір жыл ішінде елде 20 мыңнан астам жеке кәсіпкер ісін тоқтатқан.

Былтыр Тәжікстанда жаңа Салық кодексі қабылданған. Оған сәйкес, кәсіпкерлер мен инвесторларға бірқатар жеңілдіктер берілген. Бірақ соған қарамастан тексерулер тоқтамай тұрғанын айтып, кәсіпкерлер шағымданып келген.

Эмомали Рахмон 2018 жылы да кәсіпкерлерді тексеруге екі жылға мораторий енгізген болатын.

XS
SM
MD
LG