Ригада RFE/RL мультимедиа бюроси очади, у ерда Озодликнинг рус хизмати ва Настояшчее Время лойиҳаси журналистлари фаолият олиб боришади. Шунингдек, Ригадаги бюрода журналистик суриштирувлар билан шуғулланадиган янги бўлинма ҳам жойлашади.
Вильнюсдаги бюрода эса Озодликнинг беларус хизмати ҳамда Настояшчее Время лойиҳаси журналистлари иш юритишади.
Корпорация президенти Жейми Флай таъкидича, “Россия ва Беларусь расмийларининг мустақил журналистика овозини бўғиш бўйича бутун саъй-ҳаракатларига қарамай, RFE/RLнинг янги бюролари бу икки мамлакатдаги Озодлик аудиториясига мурожаат қилишда давом этади”.
RFE/RL Россия ва Беларусдаги аудитория билан мувафаққиятли ҳамкорлик уринишларини кенгайтиришини урғулаган Флай Озодлик россиялик ва беларусликларга улар кутаётган ва муҳтож бўлган муҳим ахборотни етказиб беришини қўшимча қилган.
Озод Европа/Озодлик радиоси президенти ўз мамлакатларини тарк этишга мажбур бўлган журналистларга кўрсатган кўмаги ва сўз эркинлигини дастаклагани учун Литва ва Латвия расмийларига миннатдорлик билдирган.
Озодликнинг рус хизмати Кремль босими туфайли шу йил 6 мартидан Россиядаги фаолиятини тўхтатишини эълон қилган. Озодликнинг Москвадаги мухбирлик пункти 1991 йили президент Ельцин таклифи билан очилган эди. Ҳозирда Россияда RFE/RLнинг барча лойиҳалари сайтлари Роскомнадзор қарори билан блокировка қилинган.