CCTV хабар беришича, самолёт Гуанси-Чжуа автоном туманининг Учжоу округидаги тоғли жойда қулаб тушган. Унинг бортида 133 киши бўлган.
Маълумотларга кўра, самолёт Кунминдан Гуанчжоуга учаётган эди.
Flightradar маълумотларига кўра, ҳалокатга учраган “China Eastern” самолёти маҳаллий вақт билан соат 13:15 да Куньминдан учган ва Гуанчжоу томон йўл олган. Соат 14:20 атрофида Учжоу ҳудудида тезликни кескин камайтира бошлаган ва қулай бошлаган. Шундан сўнг радар экранларидан йўқолиб қолган.
Ҳодиса оқибатида ҳалок бўлганлар ва жабрланганлар ҳақида маълумот ҳозирча келиб тушмаган. Қидирув ва қутқарув ишлари бошлаб юборилган.
Маълум қилинишича, ҳалокатга учраган лайнер тахминан 7 йил олдин ишга тушурилган, China Eastern Airlines унинг биринчи соҳиби бўлган.
China Eastern Airlines - Хитойнинг учта йирик авиаташувчиларидан бири ҳисобланади.