Екатеринбург ва Челябинскдан қолган бешта рейс ва Москванинг Жуковский аэропортидан учта рейс бекор қилинди.
Бугун эрталаб «Урал ҳаво йўллари»нинг Уфа, Самара, Екатеринбург ва Москвадан Душанбега тўртта рейси амалга оширилиши керак эди. Аммо ҳозирча бу рейсларнинг ҳеч бири бажарилмаган.
Шунингдек, «Урал ҳаво йўллари» расмий сайтида 22 март куни авиакомпаниянинг Ростов-на-Дону, Екатеринбург, Сочи ва Москвадан Душанбега иккита рейслари бекор қилингани ҳақида хабар берилган. «Урал ҳаво йўллари»нинг Челябинск, Екатеринбург, Ростов-на-Дону ва Минералниыэ Воды шаҳарларидан Хўжандга парвозлари ҳам бекор қилинган. Урал ҳаво йўллари расмийлари ҳозирча вазиятга изоҳ бермади ва Тожикистонга кўплаб рейслар нима сабабдан бекор қилингани номаълум.
Тожикистон ва Россия ўртасида парвозларни амалга оширувчи авиакомпаниялар орасида энг кўп парвозларни Урал ҳаво йўллари ташкил этади.
Россия авиакомпаниялари Ғарб давлатларининг Москвага қарши санкциялар киритганидан кейин муаммоларга дуч келди. Хусусан, 5 март куни «Сибир» авиакомпанияси Тожикистонга барча рейсларни бекор қилди. Парвозларнинг бекор қилиниши юзлаб тожикистонлик муҳожирларни Тожикистон ва Россия аэропортларида қолиб кетишига сабаб бўлди.