Президенттің баспасөз қызметінің хабарлауынша, үкіметке бағаны бақылау ғана емес, азық-түлік импорттайтын кәсіпкерлерге көмектесу тапсырылған.
Жиналыста Мирзияев үкіметтің басты міндеті - инфляцияны түсіру екенін айтты.
"Ішкі валюта нарығындағы жағдайды күнде бақылап, кәсіпкерлер мен тұрғындарға қалыптасқан жағдай, өзгерістер туралы үнемі хабар беріп отыру керек", - делінген мемлекет басшысының баспасөз қызметі таратқан ақпаратта.
Ташкенттің экономикадағы басты әріптестерінің бірі Ресей әскері Украинаға басып кіргелі бері Өзбекстанға азық-түлік жеткізу жағы қиындады. Республикада баға көтеріліп, ұлттық валюта құнсыздана бастады.