Бироқ, Украина президентига кўра, мамлакат суверенитети ва ҳудудий яхлитлиги масаласида ҳеч қанақа муросасозлик “бўлмайди ва бўлиши мумкин эмас”. Бу аниқ принциплар, муҳтамал натижага нисбатан аниқ кўзқараш, деган Зеленский украин халқига видеомурожаатида.
Унинг фикрича, музокараларда Россия томонидан мусбат муждалар берилган. Аммо Россия армиясининг Киев ва Чернигов йўналишларида фаолликни камайтиришга оид баёнотларига ҳозирча ишонмаган маъқул. “Ушбу муждалар Россия снарядларининг портлаш сасларини бўға олмайди, украинлар эса шу 34 кунлик босқин мобайнида ва Донбассдаги 8 йиллик урушда фақат аниқ натижага ишониш мумкинлигини ўрганишди”, деган Зеленский.
АҚШ, Буюк Британия, Франция, Германия ва Италия лидерлари ҳам Москва Киев ҳамда Чернигов яқинида ҳарбий фаоллигини камайтиришини эълон қилганидан сўнг Ғарб мамлакатларини Россияга нисбатан ҳушёрликни сусайтирмасликка чақиришган.
АҚШ президенти Жо Байден то Россиянинг хатти-ҳаракатлари натижасини амалда кўрмагунича бу баёнотга ишонмаслигини, Ғарб эса Москва билан муносабатлар бўйича уюшқоқ ва қатъиятли бўлиши лозимлигини урғулаган.