Дастлабки ҳисоб-китобларга кўра, фуқароларнинг 68 фоиздан ортиғи Вучичга, 11 фоизи Здравко Поношга, 4,5 фоизи Бранка Стаменковичга овоз берган. Сербия президентлиги учун жами саккиз номзод кураш олиб борди.
«Биргаликда ҳамма нарсага қодирмиз» коалицияси ҳукмрон Вучичнинг Сербия прогрессив партияси бошчилигидаги парламент сайловларида ғалаба қозонди. Сўнгги маълумотларга кўра, сайловчиларнинг 50 фоиздан ортиғи коалицияга овоз берган.
Кузатувчиларга кўра, сайловлардан сўнг Вучич икки асосий муаммони ҳал қилиши керак бўлади: Косово билан нотинч муносабатлар (Белград унинг мустақиллигини тан олмайди ва уни Сербиянинг бир қисми деб билади) ва Украинага босқиндан кейин Россияга қарши киритилган санкциялар масаласи. Сербия Европа Иттифоқига уларни қабул қилишдан бош тортган ягона номзод бўлиб қолмоқда.
Европа Иттифоқи раҳбарияти Вучичнинг Европанинг умумий позициясига қўшилишига интилмоқда.