Ссылки доступа

Бухарестда автомобиль Россия элчихонаси дарвозасига бориб урилган


6 апрель куни эрталаб Россиянинг Бухарестдаги элчихонаси дарвозасига автомашина урилиб, ёниб кетди. Ҳайдовчи ҳалок бўлди, деди маҳаллий полиция ва прокурорлар.

Терговчилар воқеа сабабларини аниқламоқда.

Digi24 телеканалининг манбаларга таяниб хабар беришича, ҳайдовчи атайлаб ҳаракат қилган. У Россия ҳарбийларининг Украинага бостириб киришига қарши норозилик намойишларидан сўнг элчихонага ўрнатилган панжараларни катта тезликда ошиб ўтиб, дарвозага урилган.

Элчихона қўриқчиси ҳайдовчидан зудлик билан чиқиб кетишни талаб қилган.

G4media порталининг хабар беришича, Боҳдан Драгич исмли ҳужумчи аввалроқ ижтимоий тармоқларда шундай деб ёзган: «Мен ҳам украиналикман! Бутун инсониятнинг ўлимига таҳдид солаётган даҳшатли уруш тугамагунча, бизни украиналик деб ҳисоблашса, ажойиб бўларди!»

XS
SM
MD
LG