Дастур охирги марта Иккинчи Жаҳон уруши пайтида, Америка ҳарбий ёрдами фашистлар Германиясининг мухолифларига — биринчи навбатда Буюк Британия ва СССРга юборилган эди.
Конгресс веб-сайтида эълон қилинган ҳужжат январь ойида Москванинг Украинага қўшин юборишга тайёрланаётгани ҳақидаги хабарлар фонида тақдим этилган. Унга 14 республикачи сенатор, 6 демократ ва юқори палатанинг бир мустақил аъзоси ҳомийлик қилган. Қонун лойиҳаси АҚШ президентининг Украинага ҳарбий ёрдам етказиб бериш бўйича битимлардаги ваколатларини кенгайтиради.
Аслида, бу президентга экспорт назоратини четлаб ўтиб, ҳарбий техникани қарзга ёки ижарага бериш имконини беради. Ишлатилган ҳарбий техника ҳисобдан чиқарилиши мумкин ва йўқ қилинган техника учун тўлов ундирилмайди.
Энди қонун лойиҳаси Конгресс қуйи палатаси томонидан кўриб чиқилиши керак. Шундан сўнг у имзолаш учун президентга юборилади.