«Ушбу шахслар дипломатик мақомига тўғри келмайдиган хатти-ҳаракатларга қўл урган. Шу боис улар персона нон грата деб эълон қилинди», — дейилади Австрия ТИВ баёнотида.
Аввалроқ Австрия ташқи ишлар вазири Александр Шалленберг хавфсизлик хизматлари дипломатик алоқалар тўғрисидаги Вена конвенциясини бузаётгани ҳақида етарли далилларга эга бўлмагунча, мамлакат россиялик дипломатларни чиқариб юбормаслигини айтган эди.
Шунингдек, у дипломатларнинг чиқариб юборилиши Россиянинг жавоб чоралари билан кузатилишини, бу эса Австриянинг Москвадаги элчихонасини амалда ишлаш имкониятидан маҳрум этишини таъкидлади.
Канада бош вазири Жастин Трюдо Канада ҳукумати россиялик дипломатларни мамлакатдан чиқариб юборишдан бош тортганини тушунтирар экан, худди шу ҳақда гапирди. Унинг сўзларига кўра, Москванинг жавоб чоралари Оттавани Россияда содир бўлаётган воқеалар ҳақидаги мустақил маълумотдан маҳрум қилади. «Биз давом этаётган ҳарбий можаро ва дипломатик чоралар кўриш зарурати шароитида Москва билан алоқа каналларисиз қолишни истамаймиз», деди Трюдо журналистларга берган интервьюсида.
Россиянинг Украинадаги ҳарбий амалиёти бошланганидан бери 200 дан ортиқ россиялик дипломат АҚШ ва Европа давлатларидан чиқариб юборилди. Шунингдек, Россия армияси Киев чеккаси Бучадан олиб чиқиб кетилганидан сўнг у ерда ўнлаб, балки юзлаб тинч аҳолининг жасади топилгани ҳақидаги хабарлар ортидан ҳам дипломатлардан мамлакатлардан чиқариб юбориш давом этмоқда. Украина расмийлари Россия армиясини тинч аҳолини ўлдиришда айбламоқда. Россия Мудофаа вазирлиги тинч аҳолини ўлдириш ҳақидаги барча айбловларни рад этди. Департамент баёнотида айтилишича, барча фотосуратлар ва видеолар провокациядир.