Ссылки доступа

Украинада Путиннің өкіл әкесі Виктор Медведчук ұсталды. Саясаткер ақпанда үйқамақтан қашып кеткен


Украинада Путиннің өкіл әкесі Виктор Медведчук арнайы операция барысында ұсталды. Бұл туралы ел президенті Владимир Зеленский хабарлады. Ақпанның соңында ресейшіл саясаткер үйқамақтан қашып кеткен.

"Украина қауіпсіздік күштері арнайы операция өткізді! Жарайсыңдар", – деп жазды Зеленский. Украина президенті саясаткерді қалай ұстағаны туралы мәлімет кейінірек жарияланатынын ескертті.

Кремль спикері Дмитрий Песков Медведчуктің ұсталғанына қатысты суретті көргенін, бірақ оның қаншалықты рас екенін айта алмайтынын ТАСС агенттігіне мәлімдеді. Песков суретті тексеру керек деп есептейді.

"Оппозициялық тұғырнама - Өмір үшін" партиясы саяси кеңесінің төрағасы Виктор Медведчук – Ресей президенті Владимир Путинпен тығыз байланыс орнатқан украин саясаткері.

19 ақпанда Медведчук пен оның әйелі Оксана Марченконың мүлкіне санкция жарияланды.

Медведчук Украинада мемлекеттік сатты деген айыппен тәулік бойы үйқамақта отырған, алайда кейін оны бақылауда ұстау әдісі өзгерген. 26 ақпанда Бас прокуратуар Ұлттық полицияға Медведчуктің үймақта бар-жоғын тексеруді тапсырған, алайда саясаткер орнында болмай шыққан.

XS
SM
MD
LG