Сармоя эвазига бериладиган олтин паспортлар тадбиркор Олег Дерипаска, Меркурий компаниялар гуруҳи президенти Игор Кесаев, “Комсомолская правда” ва РБК медиахолдинги эгаси Григорий Берёзкин ва Алишер Усмоновнинг синглиси Гулбаҳор Исмоиловадан тортиб олинади.
Қайд этилишича, Дерипаска 2017 йилда, Исмоилова 2015 йилда, Березкин ва Кесаев 2012 йилда Кипр фуқаролигини олган.
Апрель ойи ўрталарида Кипр ҳукумати россиялик тўрт миллиардер ва Президент Путин атрофидагилар сифатида Европа Иттифоқи санкциялари остида қолган 17 нафар шахсни фуқароликдан маҳрум қилиш жараёнини бошлаган эди.
«Филелефтерос» нашрига кўра, Михаил Гуцериев, Александр Пономаренко, Вадим Мошкович ва Алексей Кузмичев фуқароликдан маҳрум этилади. Украина билан уруш бошланишидан олдин Форбес журналининг русча версияси уларнинг бойлигини деярли 16 миллиард долларга баҳолаган.
Reuters хабарига кўра, олтин паспорт дастури доирасида 6779 нафар хорижлик Кипр фуқаролигини олган бўлса, улардан 2886 нафари россияликлардир. Ҳозир Кипр ҳукумати сармоя эвазига мамлакат фуқаролигини олган 1100 га яқин одамни Украинадаги уруш билан боғлиқ қонунбузарликлар учун текширмоқда.
Аввалроқ Европа Иттифоқи фуқароликни олган россияликларни санкциялар рўйхатидан маҳрум этишга чақирган эди. Олтин паспорт дастурининг ўзи кўплаб қонунбузарликлар ва коррупция ва бошқа жиноятларда гумон қилинган одамларга Европа Иттифоқи ҳужжатларини бериш туфайли ёпилди.