Ссылки доступа

Ашхабадда нормадан ашык нан сатып алгандар 15 суткага камалары айтылууда


Түркмөнстандын мамлекеттик дүкөндөрүндө ун жана нан тартыштыгына байланыштуу абал начарлагандан бери Ашхабад бийлиги нан сатууга көзөмөлдү күчөттү.

Ушул тапта укук коргоо органдарынын кызматкерлери жетиштүү көлөмдөн көп нан сатып алган жарандарды аныктоого аракет жасашууда. Бул үчүн алар видео жана фотокамераларды колдонуп жатышат.

"Азаттыктын" түркмөн кызматынын кабарчылары билдиргендей, бул күндөрү полиция кызматкерлери мамлекеттик дүкөндөрдү кыдырып, кезекте турган кишилерди сүрөткө жана видеого тартып жатышат.

"Алар тиешелүү нормадан көп нан сатып алууга аракет жасаган кардарлар 15 суткага камаларын эскертишүүдө", - деди ашхабаддык тургун.

Редакциянын кабарчысы укук коргоо органдарындагы өз булактарына таянуу менен ун сатууда кызмат абалынан кыянат пайдаланган бир нече жогорку даражадагы чиновник узак мөөнөткө түрмөгө кесилгенин кабарлады.

Түркмөнстандын мамлекеттик дүкөндөрүндө эки же үч бөлкө арзан берилет. Жеке түйүндөрдө бир нан 5-10 манат турса, мамлекеттик дүкөндөрдө бир бөлкө 60 теңгеден сатылууда.

Видео

Видео

 "Сен деп келген сапардан артка кайтпайм"
пожалуйста, подождите

No media source currently available

0:00 0:31:12 0:00
XS
SM
MD
LG