Қарор буд, ҳаракати қатораҳои мусофирбар миёни шаҳрҳои ду кишвар 2 майи оғоз шавад, вале ба далели ҷорӣ шудани маҳдудиятҳо дар Қазоқистон ба таъхир гузошта шуд.
Ҳаракати қатораҳо дар масири "Нукус – Бейнеу (Қазоқистон) – Нукус" роҳандозӣ хоҳад шуд. Қатораҳо аз самти Узбекистон ба Қазоқистон ҳафтае се бор - сешанбе, ҷумъа ва якшанбе ҳаракат хоҳанд кард.
"Равуо тавассути роҳи оҳан бо кишварҳои дигар дар асоси тавофуқи дуҷониба ба роҳ монда мешавад", - афзудааст Ширкати "Узбекистон темир йуллари".
Узбекистон ҳаракати қатораҳои мусофирбарро бо кишварҳои хориҷ моҳи марти соли 2020 ба иллати пандемияи коронавирус қатъ карда буд.