Ҳарбийларнинг хотинлари папага комбинатда озиқ-овқат ва сув қолмаганини айтишган. “Сўнгги умидимиз сиздан. Уларнинг жонларини сақлаб қолишингиздан умидормиз. Илтимос, уларнинг ўлишига йўл қўйманг”, дея папа қабулида бўлган украин аёллари сўзларидан иқтибос келтирган The Insider нашри. Франциск аёлларга “Азовстал”да қолганлар ҳақига дуо қилишини айтган.
Прокопенко ва Федосюк папага завод ҳудудида қолаётган ярадор жангчилар фотосуратларини ҳамда ҳарбийлар эвакуация қилинган тақдирда, улар қуролларини учинчи мамлакатга топширишга тайёрлиги билдирилган мурожаатномасини тақдим этишган. Аёлларга кўра, жангчилар Россия ҳарбийларига асир тушмаслиги керак, чунки руслар қўлида уларни қийноқлар ва ўлим кутмоқда.
Папа қабулида “Медиазона” ношири Пётр Верзилов ҳам бўлган. У Францискдан Мариуполга бора олиш-олмаслигини сўраган. Папанинг айтишича, одамларни қутқариш учун Украина тупроғига бориш унга малол келмайди.
7 май куни Киев “Азовсталь” ерости йўлакларидан барча аёллар, болалар ва кексалар БМТ ҳамда Халқаро Қизил хоч ташкилоти шафелигида эвакуация қилинганини очиқлаган.
“Азовсталь” заводи Мариуполдаги Украина назорати остида қолаётган ягона ҳудуд бўлиб турибди. Россия президенти Владимир Путин бекор қилганига қарамай, заводни штурм қилиш давом этмоқда.