Бу ҳақда Озоди радиосига блогернинг ўзи маълум қилди ва унинг онаси шу ҳафта Нурекга кўчирилганини таъкидлади.
7 апрель куни Исмоили Сомоний шаҳар суди уни «Тожикистонда тақиқланган «Гуруҳ 24» ва Ислом Уйғониш партияси ғояларини қўллаб-қувватлаганликда айблаб, олти йилга озодликдан маҳрум қилди.
Адвокат суд ҳукмидан норозилигини билдирди, бироқ Шоҳида Мамажонова кассация шикоятини беришдан бош тортди.
Мамажонова 3 февраль куни Ваҳдат шаҳри милицияси томонидан ҳибсга олинган ва шундан бери тергов изоляторида ҳибсда сақланмоқда.
Шоҳида Мамажонованинг ҳукми мамлакат ичида ва хорижда кескин танқидларга сабаб бўлди. Баъзи кузатувчиларнинг фикрича, у ўз эркинлиги билан ўғлининг «ҳукуматга қарши видеолари» учун товон тўлаган. Расмийлар бундай даъволарни рад этади.
