10 га яқин фуқаро «Ўш казинога қарши» плакатлари билан кўчага чиқди. Акция иштирокчилари қимор шохобчалари фаолиятига рухсат берувчи қонун лойиҳасига қарши эканликларини билдирдилар.
11 май куни Жогорку Кенеш биринчи ўқишда Қирғизистон ҳудудида казино фаолиятига рухсат бериш тўғрисидаги қонун лойиҳасини қабул қилди. Ҳужжат шунингдек, ўйин автоматлари ва онлайн казинолар учун рухсатни ўз ичига олади.
Ҳужжат қабул қилинса, Қирғизистон фуқаролари ва 21 ёшга тўлмаган хорижликларнинг ушбу муассасаларга бориши тақиқланади. Вазирлар Маҳкамаси ҳар йили қимор ўйинлари фаолияти учун солиқни оширишни режалаштирмоқда.
2012 йилнинг 1 январидан Қирғизистонда қимор бизнесини ташкил қилишни тақиқловчи қонун кучга кирган эди.