Қайд этилишича, рейтингда 100 дан ортиқ мамлакатлар қатнашган. Ўзбекистон унда 32 балл тўплаб, 58-ўринни эгаллаган.
Ўзбекистон Глобал маълумотлар барометрининг асосий модулларида:
- «Очиқ маълумотлар ташаббуси»ни ўз ичига олган «Имкониятлар» модулида 80 балл тўплаб, 8-ўринни;
- мамлакатда очиқ маълумотлар сиёсатини ўз ичига олган «Бошқарув» модулида 52 балл тўплаб, 19-ўринни эгаллаган.
Рейтингда 1-ўринни 68 балл билан АҚШ қўлга киритган. 2-ўрин Францияга (66 балл), 3-ўрин эса Буюк Британияга (65 балл) насиб қилган.
Аввалроқ Ўзбекистон олтин захиралари бўйича дунёнинг кучли 20 талик рейтингига киргани, матбуот эркинлиги рейтингида 24 поғонага юқорилаб, 133-ўринга чиққани, энг кам ўртача ойлик иш ҳақи тўланадиган 20 та давлат маълум бўлгани ва уларнинг орасида Ўзбекистон ҳам борлиги хабар қилинган.