Улар корхона директори, унинг ўринбосари ва молия директорини ишдан бўшатиш, шунингдек, иш ҳақини “Озенмунайгаз” компанияси ишчиларининг маоши даражасига кўтаришни талаб қилмоқда. Бундан ташқари, намойишчилар ишчилар учун мукофот тизимини жорий этиш, зарарли иш вақти ва 13-маош учун ҳақ тўлашни, овқатланиш ва санитария шароитларини яхшилашни талаб қилмоқда.
Ишчилар жами 14 та талабни илгари сурдилар. Намойишчиларнинг сўзларига кўра, компания ҳар ой олти ярим тоннадан тўққиз минг тоннагача нефть ишлаб чиқаради ва ишчилар талабини қондириш учун имконияти йўқ эмас.
Ходимларнинг сўзларига кўра, 18 апрель куни улар компания раҳбариятига жамоавий мурожаат билан чиқишган, бироқ уларнинг сўзларига кўра, иш берувчи талабларни бажаришдан бош тортган ва ярашув комиссияси тузишга рози бўлмаган. Ишчилар ўз талабларини 28 апрель куни Қозоғистон президенти Қасим-Жўмарт Тўқаев, Манғистау вилояти ҳокими Нурлан Ногаев, Жанаўзен шаҳри ҳокими Айбек Косауовга йўллаган видеомурожаатида билдиришган.
11 май куни намойишчилар янги видеомурожаатни ёзиб, унда улар меҳнат инспекциясининг ҳаракатсизлигини эълон қилишди ва Қозоғистон президенти Қасим-Жўмарт Тўқаевни вазиятга аралашишга яна бир бор чақиришди.
Tenge Oil & Gas ширкати бош директори Қайрош Айтжанов Озодлик билан суҳбатда 150 га яқин ходимнинг бир қисми маошсиз таътильда эканлигини тасдиқлади. Айтжановнинг айтишича, ҳозирда корхона 11 майдан бери ишламай тургани учун бир томчи ҳам нефть ишлаб чиқармади. Унинг сўзларига кўра, Tenge Oil & Gas ўрта корхона бўлгани учун “Озенмунайгаз” даражасидаги ходимларга маош тўлашга қодир эмас. Шу билан бирга, у намойишчиларнинг ишчилар учун зарур санитария-гигиена шароитларини яратиш каби талабларини асосли деб топди. Бироқ, дейди Аитжанов, масала тегишли объектларни қуриш учун рухсат олишда.
Жорий йилда Мангистау вилоятида маошларни ошириш ва янги иш ўринлари яратиш талаби билан иш ташлашлар тез-тез учраган. 18 апрель куни Жанаўзенда КEЗБИ компанияси ишчилари меҳнат шароитларини яхшилаш ва маошларни ошириш талаби билан иш ташлашга чиқди.