Ссылки доступа

Вазири қазоқ гароншавии шакарро шарҳ дод


Вазири кишоварзии Қазоқистон Ербол Карашукеев 17 май баъди ҷаласаи ҳукумат дар посух ба суоли рӯзноманигорон гуфт, гароншавии шакар дар ин кишвар ба нархи он дар бозори ҷаҳонӣ рабт дорад.

"Шакар моли биржа аст. Аз ин рӯ, нархи шакар аз савдо дар биржа вобаста аст. Барои намуна, нархи қанди найшакар дар биржаи Лондон, нархи шакар дар биржаи Ню-Йорк муайян карда мешавад. Ҳоло болоравии нархи шакар як тамоюли ҷаҳонӣ аст. Ба ин муносибат дар корхонаҳои мо ҳам нархҳо боло рафтаанд”, - гуфт Карашукеев.

Қазоқистон дар пасманзари камчин шудани шакар аз 23 майи соли равон содироти онро барои шаш моҳ манъ кард. "Содироти шакар аз Қазоқистон ба хориҷ аз 23 майи имсол манъ шавад", - омадааст дар фармони вазири кишоварзии Қазоқистон.

Вазорати кишоварзии Қазоқистон вазифадор шудааст, ки тибқи тартиби муқаррарнамудаи қонун ба Комиссияи иқтисодии Авруосиё дар бораи татбиқи ин фармон иттилоъ диҳад.

XS
SM
MD
LG