Ссылки доступа

Додгоҳи Қазоқистон ҳукми як фаъоли зиндониро сабуктар кард


Додгоҳи шаҳрии Қапшагайи Қазоқистон рӯзи 23 май дархости фаъоли зиндонӣ Ноян Раҳимҷонро қонеъ кард. Раҳимҷон аз додгоҳ хост, ки муҳлати боқимондаи ҳабси ӯ ба маҳдудияти озодӣ иваз карда шавад.

Дар ин бора вакили мудофиа вай Жанар Балгабоев хабар дод.

"Агар додситонӣ шикоят накунад, Ноян Раҳимҷон баъди 15 рӯз ба озодӣ мебарояд", - гуфт Балгабоев.

Ноян Раҳимҷони 57-сола - яке аз чаҳор фаъоли ҷамъиятӣ аст, ки моҳи октябри соли гузашта бо айби узвият дар ҳаракати сиёсии сабтношудаи "Интихоби демократии Қазоқистон" зиндонӣ шуда буданд.

Ноян Раҳимҷон бо ҳукми додгоҳ 5 сол зиндонӣ шуда буд. Вай айбҳои нисбаташ эъломшударо дар додгоҳ рад карда буд.

XS
SM
MD
LG