Душанбе мен Тегеран арасы 2015 жылдың соңында нашарлап кеткен. Тәжік билігі оппозициялық "Исламның қайта өркендеуі" партиясын қолдап отыр деп Иран билігін айыптап келген. Ал Тегеран болса, Бабак Занджани аударған миллиондаған долларды жоқ қылды деп тәжік билігіне айып таққан.
Дегенмен Тәжікстан 1991 жылы тәуелсіздігін алған кезде, Иран алғашқы болып мойындаған елдердің бірі болды. 2013 жылға дейін екі елдің қарым-қатынасы жақсы болған.
Көптеген жылдар бойы Тәжікстан нарығында иран тауарлары өте көп болатын. Душанбе-Чанак тас жолы бойындағы туннелді де Иран салып берген.