Озодлик қирғиз хизматининг Қирғизистон Фавқулодда вазиятлар вазирлигидан олинган маълумотга таянган ҳолда хабар қилишича, “Мин Ксин” корхонасидаги нохуш воқеа 29 май куни содир бўлган, натижада маҳаллий фуқаролардан 1993 йилда туғилган К.С., 1991 йилда туғилган Б.А. ҳамда 1996 йилда туғилган А. уулу А. кучли даражада куйиш олган.
Аввалроқ уларнинг учови ҳам Жалолобод вилоят бирлашган касалхонасининг жонлантириш бўлимида ётишгани, уларнинг аҳволи жуда оғир экани қайд этилган. Клиника раҳбари Кумар Бўтўқараевга кўра, заводнинг яна тўрт нафар ишчиси енгил даражада куйиш жароҳатини олишган. Улар илк тиббий ёрдамни олганларидан кейин уйларига кетишган. ФВВ маълумотига кўра, бу тўртовлондан бири ўзбекистонлик (1991 йилда туғилган Р.С., яна икки нафари Хитой фуқароларидир. Вазирлик ҳодиса сабаблари ички ишлар ходимлари томонидан ўрганилаётганини билдирган.
Хитойлик инвестор томонидан 114 миллион сўм (1 миллион 350 минг АҚШ долларидан кўпроқ) сармоя киритилган мазкур заводда, маълумотларга кўра, 65 киши ишлайди.