Аввалроқ полиция Путин чўққисида Украина байроғи топилгани ҳақида хабар берган видео муаллифларини суҳбатга чақиргани хабар қилинганди. Бу ҳақда видеони чоп этган альпинист Светлана Озодлик радиосига айтди.
Путин чўққисидаги Украина байроғини 24 май куни альпинистлар топишган. Светлана айтганидек, улар Россия фуқаролари, аммо сўнгги уч йилдан бери Қирғизистонда истиқомат қилишади.
Қирғизистон ҳукумати Россиянинг Украинага ҳарбий бостириб киришига нисбатан нейтрал позицияни эълон қилмоқда. Можаро бошланганидан бери полиция Россия элчихонаси яқинидаги бир нечта норозилик намойишларини тарқатиб юборди ва Миллий хавфсизлик давлат қўмитаси Россиянинг Украинага бостириб кириши рамзига айланган «Z» ҳарфидан фойдаланиш учун жавобгарлик ҳақида огоҳлантирди.
Бишкек яқинидаги Оқ-сув дарасидаги тоғ чўққисига 2011 йилда Россия президенти Владимир Путин номи берилган.