Унинг сўзларига кўра, чекловлар Россиядан экспорт қилинадиган нефть ҳажмининг учдан икки қисмидан кўпроғини қамраб олган. Унинг аниқлик киритишича, тақиқ қувурлар орқали ёқилғи етказиб беришга тааллуқли эмас.
Санкциялар денгиз орқали ташиладиган нефтни ўз ичига олади. Европа Иттифоқи Венгрия боғлиқ бўлган «Дружба» қувури орқали импортни ҳозирча қолдиришга қарор қилди. Айнан у Россияга қарши тўлиқ эмбарго жорий этилишига қарши эди.
Европа Комиссияси президенти Урсула фон дер Ляйен твиттердаги саҳифасида йил охиригача Европа Иттифоқининг Россиядан нефть импортини тахминан 90 фоизга қисқартирадиган нефть эмбаргоси ҳақидаги қарорни олқишлаганини айтди.
Bloomberg ҳисоб-китобларига кўра, Европа Иттифоқи нефть эмбаргосидан Россиянинг йўқотишлари йилига 22 миллиард долларни ташкил қилиши мумкин. Уларнинг 10 миллиарди денгиз орқали етказиб беришни тақиқлашдан келиб чиқади, бу Россия нефть экспортининг 75 фоизини ташкил қилади. Шу билан бирга, Россия «Дружба» қувури орқали Венгрия, Чехия ва Словакияга нефть экспортидан йилига 6 миллиард долларгача даромад олишда давом этади, улар истисно қилган.
Сешанба куни эрталаб Лондон фонд биржасида Брент маркали нефть нархи 25 мартдан бери илк бор баррель учун 119 доллардан ошди.
Европа Иттифоқи етакчилари душанба куни кечқурун Россияга қарши олтинчи санкциялар пакетини келишиб олди. Бу, жумладан, Россия нефтини экспорт қилишни қисман тақиқлаш ва Сбербанкнинг SWIFT-дан узилишини ўз ичига олади. Бу ҳақда Европа Кенгаши раҳбари Чарлз Мишел твиттерда ёзган.