Шунингдек, МХҚ раисининг собиқ ўринбосари, «А» махсус мақсадли хизматининг собиқ раҳбари Ануар Садиқуловнинг ҳибсда сақлаш муддати ҳам 6 июлга қадар узайтирилди. Яна бир собиқ депутат Даулет Ергожиннинг ҳибсда сақлаш муддати эса 13 июлга қадар чўзилган.
Махсус хизматлар раҳбарининг собиқ ўринбосарлари «ҳокимиятни зўрлик билан эгаллаб олиш ва ҳокимиятни суиистеъмол қилишга қаратилган» ҳаракатларда гумон қилинмоқда.
Кўп йиллар давомида Қозоғистоннинг собиқ президенти Нурсултон Назарбоевнинг «ишончли одами» бўлган Карим Масимов 5 январь куни Қозоғистон махсус хизмати раҳбари лавозимидан четлатилди. Ўша куни эрталаб у Қозоғистон Хавфсизлик кенгаши йиғилишида иштирок этган, унда президент Қасим-Жўмарт Тўқаев «террорчи тўдалар» Қозоғистонга ҳужум қилаётганини, улар моҳиятан «халқаро» эканлигини маълум қилган эди (у ишончли далиллар келтирмади).
8 январь куни МХҚ қўмита собиқ раиси Масимов «давлатга хиёнат»да гумонланиб, ҳибсга олинганини маълум қилди. 13 январь куни қўмита иш бўйича ҳам «ҳокимиятни зўрлик билан эгаллаб олишга қаратилган ҳаракатлар фактлари бўйича» тергов бошланганини маълум қилди.
Март ойида МХҚ томонидан 15 та давлатга хиёнат, ҳокимиятни эгаллаб олишга уриниш ва ўта йирик миқдорда пора олиш ҳолатлари, жумладан Масимов ва унинг уч собиқ ўринбосари иши бўйича тергов олиб борилаётгани маълум қилинган эди.
Бундан ташқари, Бош прокуратура МХҚнинг учта бошқармаси ва иккита ички ишлар бўлими раҳбарларининг ҳибсга олинганини маълум қилди. Улар январь воқеалари вақтида биноларни тарк этганликда гумон қилинмоқда.
Май ойининг охирида, январь воқеаларидан деярли беш ой ўтиб, президент Қасим-Жўмарт Тўқаев МХҚни ислоҳ қилиш тўғрисидаги фармонни имзолади.