NFE Қатарга 2027 йилга бориб суюлтирилган газ ишлаб чиқаришни 60 фоиздан кўпроққа оширишга ёрдам беради, дея билдиришган TotalEnergies вакиллари. Мазкур келишув ширкатнинг Россиядан кетишидан кўрилган зарарни қоплайди.
Қатар энергетика вазири Саъд Шарид ал-Каъбий қўшма корхона фаолияти 2054 йилгача давом этиши кўзда тутилганини маълум қилган. NFE лойиҳасида бошқа хорижий фирмалар ҳам улуш сотиб оладилар, бироқ ҳеч бирининг улуши TotalEnergies ширкатиникидан кўп бўлмайди, деган Каъбий уларнинг қайси ширкатлар эканига аниқлик киритган эмас. Соҳадан хабардор манбалар бу ерда гап ExxonMobil, Shell ва ConocoPhillips ширкатлари ҳақида кетаётганини айтмоқдалар.
Шу йил 3 июнида Европа Иттифоқи Украина ҳудудига бостириб кирган Россияга қарши санкцияларнинг олтинчи пакетини қабул қилган. Унда Россия нефтига қисман эмбарго жорий қилиш назарда тутилган. ЕИ Россия нефти импортидан олти ой ичида, нефть маҳсулотлари импортидан эса саккиз ой ичида воз кечиш ҳақида қарор қабул қилган. Европа мамлакатлари ҳозирда ўзларига энергия захиралари етказиб бериш бўйича муқобил таъминотчиларни изламоқдалар.
Франциянинг TotalEnergies ширкати Қатарнинг йирик энергетик лойиҳасига қўшилган илк хорижий ҳамкор бўлди. Европаликлар North Field East (NFE) газ лойиҳасидаги 6,25 фоизлик улушни тақрибан 2 миллиард долларга сотиб олишди. Бу ҳақда France 24 телеканали хабар қилди.