Ссылки доступа

ОТМларга ҳужжат қабул қилиш бу йил 20 июндан бошланади


2022/2023 ўқув йили учун Ўзбекистон олий таълим муассасаларига абитуриент сифатида рўйхатдан ўтиш жараёни жорий йилнинг 20 июнидан 20 июлига қадар бўлиб ўтади. Бу ҳақда Олий ва ўрта махсус таълим вазирлиги матбуот хизмати маълумот тарқатди.

Вазирлик абитуриентлар онлайн рўйхатдан ўтишни ягона интерактив давлат хизматлари портали орқали ҳамда Давлат тест марказининг расмий веб-сайти орқали орқали амалга оширишлари мумкинлигини билдирган.

Айни пайтда чет тили фанидан касбий (ижодий) имтиҳон ўтказиладиган таълим йўналишларига онлайн рўйхатдан ўтиш 10 июлигача амалга оширилиши қайд этилган.

2022/2023 ўқув йили учун тасдиқланган қабул квоталарига (умумий квота 121 395 нафар) мувофиқ, жорий ўқув йилида ОТМларнинг бакалавриат бўлимларига 110 707 нафар, магистратурага 10 688 нафар талаба қабул қилинади.

XS
SM
MD
LG