Ссылки доступа

Франциядаги сайлов: Макрон коалицияси парламентда кўпчиликни ташкил этиш даражасида овоз йиғолмади


Францияда 19 июнь куни бўлиб ўтган парламент сайлови ортидан президент Эммануэль Макрон тарафдори бўлган “Бирга” коалицияси Миллий ассамблеяда кўпчиликни ташкил қилиш имкониятини бой берди. Франция ИИВ сайтида эълон қилинган овоз бериш натижалари ана шундан далолат бермоқда.

Дастлабки натижаларга кўра, Макрон тарафдорлари 245 мандат олишлари мумкин, ваҳоланки парламентда кўпчиликни ташкил этиш учун 289 мандатга эга бўлиш керак.

131 та ўринга эга бўлган Жан-Люк Меланшон бошчилигидаги сўл партиялар коалицияси сайловда иккинчи ўринни эгаллаган.

Учинчи ўрин Мари Ле Пен раҳбарлигидаги “Миллий бирлашма”га насиб этган. Ўнг қарашдаги бу коалиция 89 та ўринга даъвогарлик қилиши мумкин. Бу Ле Пен тарафдорлари сайловгача парламентда эгаллаб турган ўринлар сонидан 10 баробарга кўпдир.

XS
SM
MD
LG