Ссылки доступа

Сўров: Путин дунёда энг ёқтирилмаган сиёсатчига айланди


Россия президенти Владимир Путин жаҳондаги энг ёқтирилмаган лидерга айланди.

Pew Research тадқиқот маркази томонидан 18 та мамлакатда ўтказилган ижтимоий сўров респондентларнинг 9 фоизигина унинг хатти-ҳаракатларини маъқуллашини кўрсатган, сўралганларнинг 90 фоизи эса унинг сиёсатини “мутлақо номақбул” дея баҳолаган. 20 йилдан буён ўтказиб келинаётган сўровда бу Путин рейтинги бўйича энг паст кўрсаткич бўлиб ҳисобланади. Сўровда россияликлар иштирок этган эмас.

Тадқиқотга мувофиқ, дунё бўйлаб АҚШ президенти Жо Байденга нисбатан ҳам ишонч даражаси пасайган. Дейлик, Германияда ўтган йили уни респондентларнинг 78 фоизи қўллаган бўлса, жорий йилда бу кўрсаткич 64 фоизни ташкил қилган.

Европалик лидерларга келадиган бўлсак, Франция президенти Эммануэль Макронни сўралганларнинг 62 фоизи, Германия канцлери Олаф Шольцни эса сўралганларнинг 59 фоизи дастаклаши маълум бўлган.

Сўровга мувофиқ, Хитой лидери Си Цзиньпин фаолияти респондентларнинг 18 фоизи томонидангина мақбул топилган.

XS
SM
MD
LG