23 маусымда Ферғана облысы Риштан ауданының тұрғыны Т. М. есімді азаматтың үйінен жерасты жолы табылған. Бұл үңгір Қырғызстанның Баткен облысы Қадамжай ауданына алып барады деп хабарлайды Өзбекстанның Мемлекеттік қауіпсіздік қызметі.
Арнайы операция кезінде жүк көлігін жүргізген ер адам ұсталған. Жүк көлігінен 2707 мобильді телефон табылған. Тексеру барасында IPhone 13 Pro Max, Samsung Galaxy S 22 ultra, RedMi Note 11 pro секілді жалпы құны 15 млрд сум болатын телефондар тәркіленген.
Жерасты жолы ұсталған ер азаматтың үйін тінту кезінде табылған. Бұл жол екі ел арасында заңсыз тауар тасымалдау мақсатында пайдаланылған. Бұл іске қатысты қылмыстық іс қозғалған. Тергеу ісі жүріп жатыр.