Ссылки доступа

Қирғизистон масири эҳтимолии роҳи оҳани Чин-Қирғизистон-Узбекистонро таъйин кард


Эркинбек Осоев, вазири нақлиёт ва иртибототи Қирғизистон рӯзи 28 июн дар як ҷаласа бо ҳузури раиси девони вазирони он кишвар Оқилбек Ҷабборов дар робита ба сохтмони роҳи оҳани Чин-Қирғизистон-Узбекистон иттилоъ дод.

Эркинбек Осоев гуфт, ки масири эҳтимолии роҳи оҳан аз ҳудуди Торугарт-Макмал-Ҷалолобод хоҳад гузашт. Осоев гуфт, асосноксозии техникиву иқтисодии тарҳ моҳи декабр ба поён мерасад.

Президенти Қирғизистон Содир Ҷабборов пештар гуфта буд, ки сохтмони роҳи оҳани Чин-Қирғизистон-Узбекистон соли оянда шуруъ ва давоми 3-4 соли оянда ба поён мерасад.

Шавкат Мирзиёев, президенти Узбекистон низ гуфта буд, ки "дар ояндаҳои наздик" сохтмони роҳи оҳани мазкур шуруъ мешавад.

XS
SM
MD
LG