Ссылки доступа

Хива 2024 йилда Ислом дунёсининг туризм пойтахти айланади


Uzbekistan - A general view of the city of Khiva, undated

Ислом ҳамкорлик ташкилотининг XI сессияси доирасида илк бор Ўзбекистон шаҳарларидан бири бўлмиш Хивани 2024 йилда “Ислом дунёсининг туризм пойтахти” дея эълон қилишга доир қарор қабул қилинган. Бу ҳақда Туризм ва маданий мерос вазирлиги матбуот хизмати маълум қилди.

Вазирлик қайдича, йиғилишда Хива шаҳрининг тарихий қиёфаси тикланиши, реставрация ва консервацияга оид амалга оширилган ишлар, қолаверса, электр устунларнинг демонтаж қилингани, сайёҳларнинг катта оқимини қабул қилиш учун яратилган шароитлар, инфратузилманинг яхшилангани, 5 юлдузли меҳмонхона қурилиши ҳамда бутик-отел ва ҳостеллар қурилиши фаол давом этаётгани алоҳида қайд этилган. Бундан ташқари, туризм ва унга ёндош соҳалар тадбиркорлари учун яратилган қулай шароитлар юқори баҳоланган.

Ислом дунёсининг туризм пойтахти номинациясига БАА, Туркия, Нигерия, Тожикистон ва Ўзбекистондан Абу-Даби, Шанлиурфа, Лагос, Душанбе ва Хива шаҳарлари номзоди қўйилган бўлиб, сўнгги йилда бу шаҳарлар орасида номинацияда ғолиблик учун шиддатли кураш кузатилган. Пировардида бу мақомга Хива шаҳри лойиқ топилган.

XS
SM
MD
LG