Ссылки доступа

Додситонии Қазоқистон гуфт, дар ҳодисаҳои моҳи январ 238 кас фавтидааст


Дар ҳодисаҳои моҳи январ дар Қазоқистон 232 кас фавтида, шаш тани дигар дар натиҷаи шиканҷа ҳалок шудааст. Дар ин бора Асет Чиндалиев, муовини додситони кулли Қазоқистон рӯзи 29 июн хабар дод.

Чиндалиев афзуд, бо гумони шиканҷа кардани боздоштшудаҳои ҳодисаҳои моҳин янва 9 корманди мақомоти қудартӣ боздошт шудаанд. Аз ин теъдод 8 тан корманди Кумитаи амнияти миллӣ ва як тан пулис ҳастанд. Мақомоти тафтишотии Қазоқистон дар маҷмуъ 15 касро дар истифодаи шиканҷа гумонбар мекунанд.

Пештар мақомоти Қазоқистон мегуфтанд, ки дар ҳодисаҳои моҳи январ 230 тан фавтидааст.

Аммо то кунун рӯйхати комили фавтидаҳои ҳодисаҳои моҳи январи Қазоқистон нашр нашудааст. Қосимҷомарт Тоқаев, президенти Қазоқистон рӯзи 5 июн ваъда дод, ки рӯйхат нашр карда мешавад.

XS
SM
MD
LG