Ҳужжат Душанбеда ўтган йилнинг сентябрида имзоланган ва 2022 йил апрелида Тожикистон парламенти томонидан ратификация қилинган. Аммо мигрантларга пенсия бир шарт билан тўланади.
Тожикистон Ижтимоий суғурта ва пенсия агентлиги раҳбари Дилмурод Давлатзода икки ой аввал парламент йиғилишида ҳужжатга кўра, муҳожир расман ишлаган ва пенсия жамғармасига пул ўтказган давлат кейинчалик унга ватанига қайтганидан кейин пенсия тўлашини айтган эди.
Унинг сўзларига кўра, фуқароларнинг ижтимоий солиқларни тўлаши ҳар икки давлат учун ҳам мажбурий талаб – яъни пенсия миқдори ижтимоий тўловлар тўланган даромад даражаси ва иш стажига боғлиқ бўлади.
Ҳар йили юз минглаб Тожикистон фуқаролари асосан Россияга иш излаб боради. Тожикистонлик муҳожирларнинг бир қисми Россияда кўп йил ишлаб келганликларини, бироқ Россия пенсиясини олиш-олмасликларини билмаслигидан нолишган.