Ссылки доступа

Тәжік белсенділері биліктің смартфондарды сот шешімінсіз тартып алғанына шағымданды


Иллюстративное фото

Тәжікстандағы азаматтық белсенділер құқық қорғау органдары қызметкерлерінің ұялы телефондар мен компьютерлерді заңсыз тартып алғанына арызданды.

Озоди радиосының мәліметінше, құқық қорғау органдары кем дегенде үш азаматтық белсендінің смартфондарын алып қойған, олардың екеуі Таулы Бадахшан автономиялы облысында туған. Белсенділер жақында тергелген, бостандықтағы оларға ресми айып тағылмаған.

"Милиция қызметкерлері хаттама толтырып, телефонымды тартып алды. Оны қашан қайтаратынын айтпады. Соған алаңдап жүрмін. Біз достармен, әріптестермен әлеуметтік желіде және мессенджерлермен әңгімелесеміз. Енді олар соны оқып, бізге қарсы қолдануы мүмкін", - дейді тәжік белсендісінің бірі. Ол жеке басының қауіпсіздігі үшін аты-жөнінің мақалада аталғанын қаламады.

Билік өкілдерінің белсенділердің ұялы телефондарын тәркілеу себебі белгісіз.

Халықаралық адам құқықтарын қорғау ұйымдары тәжік билігінен азаматтық белсенділерге қысым көрсетуді доғаруын бірнеше мәрте талап еткен. Душанбе мұндай сынға құлақ асқысы жоқ.

XS
SM
MD
LG