“Агар кема Қозоғистонда ва халқаро ҳуқуқда қабул қилинган ҳуқуқий меъёрларга тўғри келмайдиган фаолият билан [ташув] шуғулланса, албатта, бу шартнома бекор қилинади ва бу кема чақириб олинади”, — деди Ускенбоев.
3 июль куни Туркияда Украинадан ўғирланган дон юкланган Россия юк кемаси қўлга олингани маълум бўлди. Украинанинг Туркиядаги элчиси Василий Боднарнинг айтишича, Украина томони вазиятга ойдинлик киритиш учун Туркия божхона органлари билан ҳамкорлик қилмоқда.
Туркияда Россия байроғи остидаги «Жибек жолы» кемаси аслида Қозоғистон компаниясига тегишли бўлиб, у савдода Эстония ва Туркия компанияси иштирок этганини даъво қилмоқда.
Бироз олдин Украина Туркиядан Азов денгизидаги портдан дон билан чиқиб кетган Россия байроғи остида сузиб юрган Қозоғистонга тегишли кемани ҳибсга олишни сўраган эди.
Украина Бош прокуратураси кема Туркиянинг Карасувига “Украина донини ноқонуний олиб чиқиш” билан шуғулланганини маълум қилди.
Бердянскда «Жибек жолы» кемасига буғдой ортилган. Россия Украинага ҳарбий босқин пайтида ушбу порт устидан назорат ўрнатди. 24 февраль куни ҳужум бошлаган Россия армияси Украинанинг шарқий ва жанубидаги ҳудуднинг бир қисмини эгаллаб, Украина портларини тўсиб, буғдой ва бошқа экинларни экспорт қилишни имконсиз қилди. Ғарб Россияни дунёнинг турли бурчакларида очарчилик келтириб чиқариши мумкин бўлган ҳарбий жиноятда, очарчилик таҳдидидан уруш қуроли сифатида фойдаланганликда айблади.
Россия ва Украина ўртасидаги уруш туфайли жаҳон бозорига мўлжалланган миллионлаб тонна озиқ-овқат Қора денгиз портларида тўпланиб қолган. Бирлашган Миллатлар Ташкилотининг огоҳлантиришича, агар маҳсулотлар олиб чиқилмаса, Африка, Осиё ва Яқин Шарқнинг қашшоқ мамлакатлари жиддий очарчиликка дуч келади.
30 июнь куни Украина жанубидаги рус қўшинлари томонидан қўлга олинган Бердянск портидан донли биринчи кема жўнаб кетди. Россия томонидан тайинланган маҳаллий ҳокимият унинг “дўст мамлакатларга” юборилганини айтди.
Украина расмийларига кўра, кенг кўламли босқин бошланганидан бери Россия босиб олинган Украина ҳудудларидан камида 400 минг тонна ғалла олиб чиқиб кетган. Россия доннинг ноқонуний экспорти ҳақидаги барча айбловларни рад этади.