"Біз адам шығынының болғанына өкінеміз. Оқиғаны жіті қадағалап отырмыз. Президент Мирзияевтің Конституцияға енгізілген өзгерістерге қатысты халық наразылығынан кейін қабылдаған шешімін құптаймыз. Біз барлық тараптарды зорлық-зомбылық болдырмас үшін сабырлық танытуға шақырамыз", – делінген мәлімдемеде.
ЕО Өзбекстанды халықаралық міндеттемелерін орындап, адам құқықтарын қорғауға шақырады.
"Еуропалық одақ Өзбекстанмен тығыз әріптестік байланыста. Өзбекстанда жүріп жатқан реформаларды қолдаймыз әрі халықаралық талаптарға сәйкес өзгерістерді жалғастыруды қалаймыз", - деп атап өткен ЕО.
4 шілдеде Өзбекстан президенті Шавкат Мирзияев Еуропалық кеңес президенті Шарлем Мишелмен телефон арқылы сөйлесті.
Өзбекстан бас прокуратурасының мәліметінше, шілде айының басында Нөкісте болған толқу кезінде 18 адам қаза тауып, 243-і жарақат алған.