Баёнотда июль ойи бошида Қорақалпоғистонда содир бўлган ҳодисалар чоғида ҳалок бўлганларнинг оиласига таъзия изҳор қилиниб, жароҳатланганларга ҳамдардлик билдирилган.
“Биз Ўзбекистоннинг демократик ислоҳотларни амалга оширишга оид саъй-ҳаракатларини дастаклаймиз. Биз расмийларни, Ўзбекистон томонидан олинган халқаро масъулият ва мажбуриятларга мувофиқ равишда, тинч йиғилишлар ва фикрни эркин ифодалаш дохил барча тамал ҳуқуқларни ҳимоя қилишга чақирамиз”, дейилган Давлат департаменти баёнотида.
Шунингдек, Вашингтон вакиллари Ўзбекистон расмийларини ҳалқаро ҳуқуқий меъёрлар ва илғор амалиётга риоя қилган ҳолда зўравонлик ҳолатлари бўйича тўлиқ, ишончга сазовор ва шаффоф текширув ўтказишга чақиришган.
Баёнотда АҚШ Ўзбекистоннинг суверенитети, мустақиллиги ва ҳудудий яхлитлигини оғишмай дастаклаши урғуланган.
АҚШ расмий Тошкентни Қорақалпоғистондаги воқеалар юзасидан “ишончга сазовор ва шаффоф” текширув ўтказишга чақирди
Қўшма Штатлар Қорақалпоғистонда яқинда бўлиб ўтган воқеалар юзасидан хавотир билдириб, томонларни бу тарангликни тинч йўл билан ҳал қилиш ва зўравонликдан тийилишга чақирди. Бунга оид баёнот АҚШ Давлат департаменти томонидан тарқатилди.