Журналист БАҚ қорының қамқоршылық кеңесінің төрағасы Комил Алламжоновқа жала жапты деп айыпталып жатыр. Бұл жөнінде Uzmetronom.com сайты хабарлады.
Биыл ақпан айында Uzmetronom.com сайтында "Бриллиант бала" және "Алыс нысанаға құю" деген мақала жарияланған. Онда К. Алламжоновтың Өзбекстаннан 4,2 миллион доллар болатын алтынды заңсыз шығарғаны айтылған.
Алламжонов өзіне "жала жапты" деп журналисті сотқа берді.
Сот залында журналист Сергей Ежков БАҚ қорының жетекшісінен кешірім сұраған. Алламжонов болса, сот процесі кезінде мақсаты журналисті соттау емес, өзінің адал екенін дәлелдеу болды деген.
Сот процесі аяқталғаннан кейін Алламжонов Ежковқа "Алламжонов кінәлі" деген кітапты сыйға тартқан.