Воқеа 7 июль куни соат 23:00 атрофида содир бўлган. Милицияга Норин туманидаги Хутор-Оқ-Тала қишлоғидаги уйлардан бирида ўқ овозлари эшитилгани ҳақида хабар келиб тушган.
Тергов маълумотларига кўра, 30-40 нафар қишлоқ аҳолиси бир қишлоқдошининг уйига тош отиб, унинг Subaru Outback автомобилини ёқиб юборган. Бунга жавобан уй эгаси уйда сақланаётган ўқотар қуролни олиб, бир гуруҳ одамларга қарата ўқ узган.
Олти киши турли тан жароҳатлари билан шифохонага етказилган. Улардан уч нафарининг аҳволи оғир деб баҳоланиб, операция қилинди.
Полиция маълумотларига кўра, можаро томонлари ер бўйича анчадан бери келишмовчиликка сабаб бўлган. Ҳозирда тергов ҳаракатлари олиб борилмоқда. Милиция қишлоқда тартибни таъминламоқда.