Фуқаро нима учун бундай ҳаракат қилгани номаълум. Расмийлар ўзоарини изоҳ беришдан тиймоқда.
Воқеа 8 июль куни содир бўлган. Тўтишоевнинг яқинлари матбуот билан мулоқот қилишдан бош тортди.
Оилага яқин манба 10 июль куни “Адис томоғини кесганини, қариндошлари тезда уни касалхонага олиб кетишганини ва бу унинг сўроқ қилиниши билан боғлиқ бўлиши мумкинлигини маълум қилди.
Pamir Daily News сайти Тўтишоевнинг билакларини кесиб ташлагани ҳақида хабар берди.
Адис Тўтишоев ҳақида деярли ҳеч қандай маълумот йўқ. Хоруғлик суҳбатдошимиз “унинг ҳеч қандай гуруҳга кирмаганини, кичик бизнес билан шуғуллангани”ни айтди.
Аввалроқ, 6 июль куни Хоруғ шаҳар ИИБ ходимлари Роштқалъа туманида яшовчи 68 ёшли фуқарони сўроққа чақириб, бир кун ўтиб унинг жасадини қариндошларига топширишган.
Абдураҳим Гулобовнинг яқинлари унинг ҳеч қачон қуроли бўлмаганига қарамай, ов милтиғи борлигида гумон қилинаётганини айтишди. Ҳуқуқ-тартибот идоралари унинг ўлими сабабларини изоҳламаяпти.
Тоғли Бадахшон мухтор вилоятининг Роштқалъа тумани ва Хоруғ шаҳрининг бир неча аҳолиси “аксилтеррор операцияси” якунлангани расман эълон қилинганига қарамай, вилоят аҳолисини таъқиб ва ҳибсга олиш давом этаётганидан шикоят қилмоқда. Расмийлар бу борада изоҳ бермаяпти.
Жорий йилнинг май ойида ТБМВда халқ митинглари бўлиб ўтди, сўнгра “аксилтеррор операцияси” бошланди. Натижада, расмий маълумотларга кўра, 16 киши ҳалок бўлган, 200 дан ортиқ киши ҳибсга олинган. Маҳаллий аҳолининг айтишича, қурбонлар кўп.