“Ин маълумот комилан дурӯғ аст. Марзи давлатии Узбекистон ва Афғонистон пурра таҳти назорати низомиёни кишвар қарор дорад ва вазъ муътадил мебошад”, - омадааст дар иттилоияи вазорат.
Рӯзи 5 июл корбарони шабакаҳои иҷтимоӣ хабар доданд, ки панҷ мушак, эҳтимолан аз хоки Афғонистон ба Тирмизи Узбекистон партоб шуда, дар натиҷа 4 хона осеб дидааст ва талафоти ҷоние ба қайд гирифта нашудааст.
Дар моҳи апрели имсол дар баъзе аз сомонаву шабакаҳои иҷтимоӣ навиштанд, ки шохаи "Хуросон"-и ДОИШ аз Афғонистон ба иншооти низомӣ дар вилояти Сурхондарёи Узбекистон даҳ мушак сар додааст. Сухангӯйи президенти Узбекистон хабарҳоро рад кард.