Ссылки доступа

Дар робита ба ҳодисаҳои моҳи январи Қазоқистон 545 кас муҷозот шудааст


Додситони кулли Қазоқистон Елдос Килимҷанов 18 июл дар нишасти хабарӣ иттилоъ дод, ки дар робита ба ҳодисаҳои моҳи январи ин кишвар 429 парвандаи ҷиноӣ ба додгоҳ ирсол ва ҷамъан 545 кас муҷозот шудааст.

Ба гуфтаи Килимҷанов, то имрӯз дар доираи парвандаҳои марбут ба ҳодисаҳои моҳи январ 83 нафар, ки ба гуфтаи муфаттишон, ба "ҷиноятҳои вазнини марбут ба зӯроварӣ ба мансабдорони давлатӣ ва нобуд кардани амвол" даст задаанд, маҳкум ба зиндон шуданд.

Ба ҷуз ин, додситонҳои Қазоқистон дар ҳоли ҳозир 53 парвандаи ҷиноии марбут ба "бетартибиҳои оммавӣ" ва 32 парванда дар бораи "амали террористӣ"-ро тафтиш мекунанд.

Додситони кулли Қазоқистон афзуд, ки феълан 349 каси дигар бо гумони даст доштан дар нооромиҳои мазкур дар ҳабс қарор дорад ва беш аз ду ҳазор силоҳи дуздидашуда ҳанӯз ҳам дар дасти "ҷинояткорон" аст.

XS
SM
MD
LG