Ссылки доступа

Нукус воқеаларида яраланганлардан уч нафари вафот этди


Қорақалпоғистонда 1-2 июлда содир этилган воқеалар оқибатида вафот этганларнинг умумий сони 21 нафарга етди.

Бош прокуратура матбуот котиби Ҳаёт Шамсуддиновнинг 18 июль куни АОКАда ўтган брифингда билдирилишича, воқеалар пайтида турли жароҳатларни олиб, касалхонага ётқизилган оғир аҳволдагилардан уч нафари вафот этган.

Шамсутдиновнинг айтишича, жами турли жароҳатлар билан касалхоналарга 274 киши тиббий ёрдам сўраб мурожаат қилган эди. Айни пайтда яна 16 киши касалхонада қолмоқда.

Расмий Нукусдаги воқеалар пайтида хизмат бурчини бажараётган пайтда тан жароҳати олган 141 нафар ҳуқуқ-тартибот ходими, соғлиғи ва мулкига зарар етган 16 фуқаро жабрланувчилар сифатида эътироф этилганини таъкидлади.

Унга кўра, 16 июль ҳолатига кўра, фуқаролар ва тадбиркорларнинг мол-мулклари, давлат ва ижтимоий инфратузилма объектларига 3 миллиард 147 миллион сўмлик зарар келтирилгани аниқланди.

Брифингда Ҳаёт Шамсуддинов Нукусдаги намойишларда иштирок ўнлаб киши бедарак кетгани тўғрисида тарқалган хабарлар асоссиз эканини иддао қилди. 8 июль куни Reuters агентлиги Open Dialogue Foundation бедарак кетган камида 58 кишининг рўйхатини тузгани ҳақида хабар берганди.

Шамсутдинов рўйхатда исми кўрсатилганларнинг бир қисми ўз уйларида экани”ни, айримлари Қорақалпоғистонни тарк этганларини, баъзилари эса “умуман мавжуд бўлмаган шахслар экани”ни айтди.

XS
SM
MD
LG