Ссылки доступа

"Манас айылы" кешені сызбасына жарияланған байқау аяқталды


Бішкек қаласындағы "Манас айылы" кешенін жаңарту жобасына сәулетшілер арасында жарияланған байқау нәтижесі шықты. Бұл туралы "Бішкек бас сәулетінің" баспасөз қызметі 19 шілдеде хабарлады.

Байқауға түскен 14 жобаның үшеуі қазылар алқасының жоғары бағасын алды.

Байқау жеңімпазына 1,5 млн сом, екінші орынға – 1 млн сом, үшінші орынға – 250 мың сом төленеді. Мекеме мәліметінше, сыйлық қоры (37,6 мың доллар) демеушілер қаражатымен жасақталған .

Бұның алдында "Манас айылы" мәдени-этнографиялық кешенге қатысты дау шыққан. Кешенге жетекшілік еткен манасшы Доолот Сыдықов белгісіз біреулер "Манас айылы" жерін тартып алуға талпынды деп мәлімдеді. Биыл мамыр айында ол жұмыстан шығып, елден кеткенін, оған қысым жасалғанын айтты.

Сол кезде президент істері жөніндегі басқарма жерді тартып алғалы жатыр деген ақпаратты жоққа шығарған. Кейін президент Садыр Жапаров "Манас айылы" жаңартылатынын, кешеннің қарсы бетіне "Манас" театры салынатынын мәлімдеді.

"Манас Айылы" кешені 1995 жылы "Манас" эпосының 1000 жылдығы қарсаңында салынды.

XS
SM
MD
LG